Færslur: 2010 Júní

30.06.2010 14:18

Félagsmót Storms

Hestamannamót Storms fer fram á Söndum í Dýrafirði 16. og 17. júlí n.k.

                    Rétt til þátttöku hafa allir knapar sem skráðir eru í félög innan LH.

Föstudaginn 16. júlí kl. 15:00 hefst forkeppni í A og B flokkum gæðinga, barna, unglinga, ungmennaflokkum og gæðingatölti.

Kl.  20:00 hefst kvöldvaka í Reiðhöllinni. Setning Hestamannamóts Storms 2010, keppni í fljúgandi skeiði, liðakeppnin ,,Sandariddararnir 2010" o. fl.

Grín og glens fyrir alla fjölskylduna.

Laugardaginn 17. júlí kl. 12:00 hefst dagskráin  á hópreið hestamanna og að henni lokinni verður keppt til úrslita í öllum flokkum. Einnig verður keppt í 300m brokki, 300m stökki og 250m skeiði.

Þegar úrslit liggja fyrir verður farið í útreiðartúrinn góða. Allir hestfærir velkomnir með.

Um kl. 20:00 verður slegið upp grillpartý í Reiðhöllinni. Heitt grill á staðnum.

Tekið verður við skráningu keppnishrossa til kl. 21:00 að staðartíma þann 13. júlí á netfangið valdie@snerpa.is eða í síma 864-7616, Sonja. Gefa þarf upp kennitölu knapa og IS númer keppnishrossa. Skráningar gjald er kr. 1.000,-- pr. hross og greiðist inn á 1128-05-1908, kt. 600783-0259.

Skráningar í fljúgandi skeið og í ,,Sandariddararnir 2010´´, skal skila á netfangið nannabjork@simnet.is eða í síma 895-0711, Nanna.  Engin skráningargjöld! Liðstjórar ,,Sandariddara´´ eru beðnir um að hóa saman liðum sínum og gera sig klára fyrir kvöldvökuna.

                  Gott tjaldsvæði er á Söndum og góð aðstaða fyrir aðkomu hross.

Einn aðgöngumiði sem gildir á allt! Fullorðnir kr. 1.000,-- Börn á grunnskólaaldri kr. 500,-- Börn á leikskólaaldri, ókeypis aðgangur.

 Nánari uppýsingar um dagskrá hestamannamóts Storms munu birtast á http://stormur.123.is/

22.06.2010 19:32

Félagsmót Storms 16 og 17 júlí

Á Aðalfundi Hestamannafélagsins Storms sem haldin var 15.júní sl. í reiðhöllinni á Söndum var tekin sú ákvörðun  að stefna að því að halda Félagsmótið 16 og 17 júlí 2010. í þeirri von að hestar verði í standi til að taka þátt í keppni.  Eins og flestum er kunnugt hefur hesta-pestin  komið í hross hér fyrir vestan, en það var almennur áhugi í félagsmönnum að stefnt verði á mót um miðjan júlí.

Nánar um dagsskrá mótsins verður að finna hér á vefnum fljótlega.
                    
                         með félagskveðju  Mótstjórn.

03.06.2010 20:17

Reiðnámskeið

Ákveðið hefur verið að bíða með að auglýsa reiðnámskeið fyrir börn á grunnskólaldri sem til stóð að bjóða upp á í sumar. Það er vegna þess að nú herjar hestaflensan á hross í Dýrafirði og mönnum ráðlagt að hafa hesta í hvíld á meðan þetta gengur yfir. Við munum skoða stöðuna þegar líður að mánaðarmótum júní/júlí og sjá þá til hvað við gerum.
Bestu kveðjur
Nanna og Hákon
  • 1
Flettingar í dag: 1
Gestir í dag: 1
Flettingar í gær: 70
Gestir í gær: 10
Samtals flettingar: 307279
Samtals gestir: 78635
Tölur uppfærðar: 19.9.2018 00:16:44