Færslur: 2009 Desember

23.12.2009 21:48

Gleðilega jólahátíð

Hestamannafélagið Stormur óskar félagsmönnum sínum og öðrum landsmönnum gleðilega jólahátíð og farsæld á nýju ári, þökkum félagsstarfið á árinu sem er að líða.


15.12.2009 11:33

Afmælishátíð LH

FRÉTTATILKYNNING

Afmælishátíð Landssambands hestamannafélaga

60 ára afmælishátíð Landssambands hestamannafélaga verður haldin 18.des. nk. Í IÐNÓ, nánast á sama stað og sambandið var stofnað en stofnfundurinn var haldinn í Baðstofu iðnaðarmanna 18. desember 1949 þar sem tólf hestamannafélög lögðu grunninn. Gunnar Bjarnason leiddi undirbúningsvinnu að stofnun sambandsins en fyrsti formaður þess var H.J. Hólmjárn. Í fyrstu lögum LH segir m.a.: "Markmið sambandsins er að vinna að bættri meðferð hesta, sérræktun íslenzks reiðhestakyns og framgangi reiðhestaíþrótta...."  

Á hátíðinni  verður athygli vakin á fjölþættu hlutverki íslenska hestsins og því viðamikla og blómlega starfi sem honum tengist, bæði hér á landi og erlendis.  Hestamennska er atvinna margra sprottin af þeirri íþrótt og lífsstíl fjölda fólks á öllum aldri sem nýtur margbreytilegra eðliskosta íslenska hestsins í leik og keppni. Staða íslenska hestsins er sterk í menningu þjóðarinnar og sérstæðir eiginleikar hans hafa vakið verðskuldaða athygli víða um lönd það hefur reynst dýrmætt kynning landi og þjóð.

Afmælishátíðin hefst á fánareið úrvalsknapa á öðlingsgæðingum, sem koma ríðandi að Iðnó klukkan 14:45. Klukkan 15:00 hefst svo afmælisdagskrá þar sem fjallað verður  um fjölþætt hlutverk íslenska hestsins og það viðamikla og blómlega starf sem honum tengist, bæði hér heima og erlendis:  Kári Arnórsson flytur inngang um sögu LH, Þorvaldur Kristjánsson fjallar um íslenska hestinn og vísindasamfélagið, Ásta Möller ræðir lykilþætti í markaðssetningu íslenska hestsins, Benedikt Erlingsson fjallar um hestinn í listum og menningu, Pétur Behrens flytur erindi um tamningu og reiðlist og Hjörný Snorradóttir fjallar um stefnumótun varðandi framtíð Landsmóts hestamanna. Dísella Lárusdóttir syngur  og Gunnar Eyjólfsson flytur ljóð. Fundarstjóri hátíðarinnar verður Friðrik Pálsson. Dagskráin er öllum opin meðan húsrúm leyfir.

Landsamband hestamannafélaga er aðili að Íþróttasambandi Íslands. 47 félög eiga aðild að sambandinu og er formaður þess Haraldur Þórarinsson. Auk hefðbundinnar keppni, æfinga og þjálfunar til líkamlegrar heilsuræktar er það, samkvæmt lögum Íþróttasambands Íslands, í verkahring LH að sinna hagsmunamálum sem tengjast hestaíþróttum svo sem á sviði ræktunarmála, tamninga, samgöngu- og ferðamála, landnýtinga- og umhverfismála.

Árið 2010, 60 ára starfsár Landssambands hestamannafélaga, verður nýtt til þess að kynna enn betur íslenska hestinn og mikilvægi hans fyrir íslensku þjóðinni.  Landsmótið á Vindheimamelum verður hápunkturinn og hin eiginlega afmælisveisla allra hestamanna.

F.h. afmælisnefndar LH

Hallmar Sigurðsson síma 8960779

hallmars@internet.is

03.12.2009 21:31

Inntökuhátíð Dropa.

  Stormsdeildin Dropi gjörir kunnugt.

Inntökuhátíð Stormsdeildarinnar Dropa verður laugardaginn 19.des nk. sem hefst með hrossa-smölun úr Keldudal.  Sauðfjárbændur og hesteigendur eru beðnir að gera sig klára fyrir daginn,  farið verður á stað frá Söndum kl: 10:30  í Keldudalinn.      Rökkurvakan hefst kl:16:00  samkvæmt hefðinni í Sandasókn. 

       Það verður heitt á könnunni.     Sjáumst á Söndum.   Undirbúningsnefndin.















Hestar að koma úr Keldudal 2008                           Guðmundur og Gunnlaugur.
                                                                                Inntökuhátíð 2007.










  • 1
Flettingar í dag: 1
Gestir í dag: 1
Flettingar í gær: 70
Gestir í gær: 10
Samtals flettingar: 307279
Samtals gestir: 78635
Tölur uppfærðar: 19.9.2018 00:16:44