Færslur: 2008 Júlí

28.07.2008 09:45

Vel heppnað félagsmót Storms.

Félagsmót hestamannafélagsins Storms fór fram á Söndum í Dýrafirði dagana 18.og 19.júlí s.l. Á föstudeginum fór fram forkeppni í öllum flokkum. Henni lauk ekki fyrr en um kl.21:30 vegna fjölda keppenda. Af þeim sökum seinkaði kvöldvöku sem hefjast átti í reiðhöllinni kl. 20:30. Það kom þó ekki að sök þar sem menn voru vel vakandi og kátir. Kvöldvakan hófst með glæsilegri töltsýningu og svo tók við keppni í fljúgandi skeiði þar sem knapar lögðu hesta sína á skeið í gegnum reiðhöllina. þar mátti sjá glæsileg tilþrif. Þar stóð uppi sem sigurvegari hesturinn Vænting frá Bakkakoti og Sigurður V.Matthíasson. Þá hófst liðakeppni í ýmsum þrautum. Að þessu sinni kepptu fjögur lið sín á milli um besta tíma og bestan árangur. Sigurvegari í ár, með bestan samanlagðan árangur,var lið Viktors Pálssonar en með honum  voru þeir Sigþór Valdimar Elíasson og Steinþór Tómasson. Keppnin var annas jöfn og spennandi og mátti sjá að hestar og menn lögðu allt í sölurnar fyrir sitt lið. Frábær skemmtun og eiga liðin heiður skilið fyrir þátttökuna.  Á laugardeginum hófst dagskráin kl. 12:00 með hópreið hestamanna. Mjög góð þátttaka og gaman á að horfa.  Þá hófst keppni í úrslitum og að þeim loknum var farið í útreiðartúr inn í Meðaldal. Að þessu sinni fóru sextíu manns með jafn mörg hross enda veðrið með eindæmum gott. Í Meðaldal var sungið og slegið á létta strengi. Um kvöldið var grillpartý í reiðhöllinni. Þar komu menn saman og áttu ánægjulega kvöldstund að móti loknu.  Mótið í heild sinni tókst einstaklega vel og öll dagskrá og framkvæmd til fyrirmyndar. Sérsaklega var ánæjulegt að sjá aukna þátttöku í barna og unglingaflokki. Telja menn það árangur af góðu barna- og unglingastarfi hjá Stormi nú í sumar en um 45 krakkar sóttu námskeið í sumar auk 10 fullorðinna. Kennarar á námskeiðunum voru þær Guðrún Astrit og Olil Amble.

Úrslit mótsins voru sem hér segir:
A-flokkur gæðinga:
1. Vænting frá Bakkakoti og Sigurður V.Matthíasson. Eink.  8,60
2.Astra frá Króki og Matthías Leó Matthíasson.      Eink. 8,27
3.Hersir frá Hofi og Pétur Jónsson.     Eink.    8,07
4.Júní frá Tungu I og Jóhann Bragason.  Eink. 8.00
5.Prins frá Bolungarvík og Sigmundur Þorkelsson.Eink. 7,89

B-flokkur gæðinga:
1.Vænting frá Ketilsstöðum og Sigurður V. Matthíasson.Eink.8,60
2.Forkur Djúpfari frá Brjánslæk og Þorkell Þórðarson. Eink. 8,36
3.Ræll frá Fjalli og Guðmundur Bjarni Jónsson. Enk. 8,30
4.Fengur frá Fögrubrekku og Bragi Björgmundsson. Eink.8,29
5.Georgína Búsk og Linda Jónsdóttir.       Eink. 8,02

Ungmennaflokkur:
1.Ardís frá Króki og Matthías Leó Matthíasson.  Eink.  8,02

Unglingaflokkur:
1.Neisti frá Bolungarvík og Lovísa Anna Jóhannsdóttir.Eink.8,05
2.Blær frá Nýjabæ og Gerður Ágústa Sigmundsdóttir. Eink.7,97
3.Oddgeir frá Fögrubrekku og Heiðdís Hrönn Magnúsdóttir.Eink.7.89
4.Draupnir frá Akranesi og Bylgja Dröfn Magnúsdóttir. Eink. 7,88
5.Mæða frá Litlu Tungu 2 og Arna María Arnardóttir.   Eink.7,67

Barnaflokkur:
1.Freyr frá Miðbæ í Haukadal og Arnar Logi Hákonarsson.Eink.8,06
2.Bruni frá Rauðskriðu og Skúli Pálsson.       Eink. 8,04
3.Sabína frá Syðra- Skörðugili og Katrín Dröfn Björnsdóttir.Eink.7,97
4.Eimur frá Fjalli og Sigríður Magnea Jónsdóttir.  Eink.  7,85
5.Neisti frá Holtsmúla og Viktoría Viktorsdóttir.   Eink.  7,77

Töltkeppni:
1.Vænting frá Bakkakoti og Sigurður V.Matthíasson. Eink.8,59
2.Forkur Djúpfari frá Brjánslæk og Þorkell Þórðarson.Eink.8,53
3.Fengur frá Fögrubrekku og Bragi Björgmundsson.  Eink.8,31
4.Gyllir frá Litla-Dal og Jóhann Bragason.   Eink. 8,09
5.Hersir frá Enni og Linda Jónsdóttir.  Eink.  8,03
Knapi mótsins var valin Matthías Leó Matthíasson og glæsilegasti
hestur mótsins var valin Vænting frá Bakkakoti.

12.07.2008 12:31

Hestamannamót Storms 2008

                       Dagskrá                               

Föstudagurinn 18.júlí:
kl. 16.00
hefst opin forkeppni:
             B.flokkur gæðinga
             Ungmennaflokkur
             A.flokkur gæðinga
              Unglingaflokkur
               Barnaflokkur
               Gæðingatölt
kl. 20:30  Mótssetning og kvöldvaka í reiðhöllinni.
                 Grín og glens fyrir alla fjölskylduna.
 Á dagskránni verður m.a. fljúgandi skeið,
Sandariddarinn 2008, sölusýning, boðhlaup og
              Ýmsar óvæntar uppákomur.
Laugardaginn 19.júlí:
kl. 12:00 
hópreið hestamanna.
Úrslit:
                  B-flokkur gæðinga
                  Ungmennaflokkur
                  A-flokkur gæðinga
                   Unglingaflokkur
                    Barnaflokkur
                    Gæðingatölt
Mótslit:
Að móti loknu verður farið í útreiðartúrinn góða.
Forreiðarsveinn verður Guðmundur Ingvarsson.
                     Allir hestfærir velkomnir  með.
Um kl.20:00 hefst grillpartý í reiðhöllinni, heitt grill á
staðnum. Hver og einn kemur með mat fyrir sig og
við borðum saman og njótum samverunnar.
Lifandi músik fram eftir kvöldi!!!
Gott tjaldsvæði er á Söndum og aðstaða fyrir hross!
Aðgöngumiði sem gildir á allt báða dagana:
Fullorðnir    kr.  1.000,--   Börn í grunnskóla   kr.  500,--
              Sjáumst þar sem lífið er,
             á hestamannamóti Storms,
               á Söndum í Dýrafirði.
                    Mótsnefnd 2008.

skráningar keppenda þurfa að berast fyrir miðnætti 15.
júlí til  sigogsig@simnet.is   eða  nannabjork@simnet.is
 sími:    896-8245                          895-0711
  • 1
Flettingar í dag: 21
Gestir í dag: 7
Flettingar í gær: 16
Gestir í gær: 7
Samtals flettingar: 288112
Samtals gestir: 75409
Tölur uppfærðar: 16.1.2018 17:53:31